TEK-fredag! 🚀
TEK-fredag er ein månadleg møteplass der næringsliv, studentar og andre nysgjerrige samlast for å lære, dele erfaringar og bli inspirerte av teknologi og digital utvikling. Kvar samling har sitt eige tema og tek for seg aktuelle og relevante område som kunstig intelligens, velferdsteknologi, robotisering, effektivisering og korleis teknologi kan skape verdi i praksis – både lokalt og regionalt.
Dette er eit arrangement som passar for alle - uansett kva du jobbar med eller kva rolle du har i kvardagen! 🙌
Bli med på den første Tek-fredagen – ein inspirerande formiddag der me set teknologi, digitalisering og framtida på agendaen, saman med folk frå heile regionen. 👇
📍 ViteMeir-senteret i Sogn, Kaupanger
📅 Fredag 30. januar 2026
🕤 09:30–12:30
PROGRAM
🕤 09:30–09:45 | Mingling & kaffe
Ein mjuk start på dagen – møt andre teknologi- og framtidsinteresserte frå regionen.
🗣️ 09:45–10:00 | Velkommen
Sogn Kompetanse ønskjer velkommen og presenterer konseptet TEK-fredag – ein ny, månadleg møteplass for næringsliv, studentar og andre nysgjerrige.
🎙️ 10:00–10:55 | Eirik Norman Hansen
Ein av Noregs mest engasjerande teknologioptimistar og formidlarar.
Eirik gjer avansert digitalisering, kunstig intelligens og teknologitrendar forståelege, relevante og inspirerande for arbeidslivet – og set søkelys på kva dette faktisk betyr i praksis. Det blir òg høve til spørsmål mot slutten.
🤝 10:55–11:10 | Minglepause
Tid til refleksjon, samtalar og nettverksbygging.
🏦 11:10–11:30 | Sogn Sparebank
Anette Huun Jevnaker og Mari Beate Voll Yndestad frå Sogn Sparebank tek opp eit høgaktuelt tema:
viktigheita av å oppretthalde personvernet i ei stadig meir digital verd, og korleis banken sjølv jobbar systematisk med personvern, tryggleik og ansvarleg bruk av teknologi. Også her blir det opna for spørsmål.
🥗 11:30–12:30 | Lunsj & nettverk
Felles lunsj og gode samtalar – ein perfekt avslutning på formiddagen.
💚 Sogn Sparebank er med og bidreg til at me kan halde deltakarprisen låg:
375,- per person (inkl. mva)
Studentpris: 200,- (inkl. mva)
Me håpar du har lyst til å bli med på ein inspirerande start på dagen – og på ein ny fagleg møtestad i Sogn.
Me gler oss til å sjå deg og dine kollega der! 🫶